PM Narendra Modi : ప్రధాని మోడీ వైజాగ్ పర్యటన రద్దు

దిశ, వెబ్ డెస్క్ : ఈనెల 29న జరగాల్సిన ప్రధాని నరేంద్ర మోడీ(PM Narendra Modi) వైజాగ్(Vizag) పర్యటన రద్దయింది. ఏపీలో తుఫాను(Cyclone) హెచ్చరికల నేపథ్యంలో పర్యటన రద్దు చేస్తున్నట్టు ప్రధానమంత్రి కార్యలయం(PMO) తెలిపింది. వైజాగ్ లోని ఏయూ ఇంజనీరింగ్ కాలేజ్ గ్రౌండ్స్ లో తలపెట్టిన భారీ బహిరంగ సభకు ఏర్పాట్లు జరుగుతుండగా.. అనూహ్యంగా బంగాళాఖాతంలో అల్పపీడనం కారణంగా 29న తుఫాను ప్రభావంతో భారీ వర్షాలు కురవనున్నట్టు ఏపీ వాతావరణశాఖ ప్రకటించింది. తుఫాను నేపథ్యంలో మోడీ పర్యటన రద్దు చేయబడింది. కాగా మోడీ వైజాగ్ పర్యటనలో భాగంగా.. అనకాపల్లి పూడిమడకలో గ్రీన్ హైడ్రోజన్ హబ్ శంకుస్థాపన.. పలు రైల్వే ప్రాజెక్టులు, నేషనల్ హైవేస్ ను జాతికి అంకితం చేయాల్సి ఉండగా.. అనూహ్యంగా ఈ పర్యటన కాన్సిల్ అయింది.