సీఎం చంద్రబాబును కలిసిన చాగంటి కోటేశ్వరరావు

దిశ, వెబ్ డెస్క్: ఇటీవల ఏపీ ప్రభుత్వం 59 మందికి నామినేటెడ్ పదవులు కేటాయిస్తూ రెండో జాబితా విడుదల చేసిన సంగతి తెలిసిందే. ఈ జాబితాలో ప్రముఖ ప్రవచనకర్త చాగంటి కోటేశ్వరరావు(Chaganti Koteswara Rao)కు క్యాబినెట్ ర్యాంకుతో కీలక పదవి కేటాయించారు. ఈ క్రమంలో ఈ రోజు మధ్యాహ్నం సీఎం చంద్రబాబు(CM Chandrababu Naidu)ను చాగంటి కోటేశ్వరరావు ఏపీ సచివాలయంలో కలిశారు. ఈ సందర్భంగా సీఎం.. చాగంటిని సన్మానించారు. అనంతరం చాగంటితో ముచ్చటించారు. ఈ క్రమంలో చాగంటి మాట్లాడుతూ.. కుటుంబ వ్యవస్థ గొప్పతనాన్ని నేటి తరం తెలుసుకోవాల్సిన అవసరం ఉందని.. విద్యార్థుల్లో నైతిక విలువలు పెంచేందుకు తన వంతుగా కృషి చేస్తానని చెప్పుకొచ్చారు. అలాగే రాష్ట్రంలోని విద్యాశాఖ కార్యక్రమాల గురించి అధికారులను అడిగి వివరాలు తెలుసుకున్నారు.