AP News:ఉచిత గ్యాస్ సిలిండర్ పథకం.. సీఎం చంద్రబాబు మరో గుడ్ న్యూస్

దిశ,వెబ్‌డెస్క్: ఏపీలో ఎన్డీయే కూటమి ప్రభుత్వం(AP Government) ఎన్నికల సమయంలో ఇచ్చిన హామీలను ఒక్కొక్కటిగా అమలు చేస్తోంది. ఇక ఎన్డీయే కూటమి రాష్ట్రాభివృద్ధి(State Development) లక్ష్యంగా ముందుకు అడుగులు వేస్తోంది. ఈ నేపథ్యంలో సీఎం చంద్రబాబు(CM Chandrababu) నిన్న(శుక్రవారం) శ్రీకాకుళం జిల్లాలోని ఈదుపురంలో ఉచిత గ్యాస్ సిలిండర్ల పథకాన్ని(Free gas cylinders scheme) ప్రారంభించిన విషయం తెలిసిందే. ఈ సందర్భంగా సీఎం చంద్రబాబు ఉచిత గ్యాస్ లబ్ధిదారులకు మరో శుభవార్త చెప్పారు. మహిళలు తొలుత డబ్బు చెల్లించాల్సిన అవసరం లేకుండానే సిలిండర్ అందించేలా కృషి చేస్తానని హామీ ఇచ్చారు. ‘ప్రస్తుతం లబ్ధిదారులు డబ్బులు చెల్లిస్తే 2 రోజుల్లో ప్రభుత్వం తిరిగి చెల్లిస్తోంది. నేరుగా ఫ్రీ సిలిండర్ ఇచ్చేందుకు సాంకేతిక సమస్యలు వస్తున్నాయి. త్వరలోనే వాటిని పరిష్కరిస్తాం’ అని సీఎం చంద్రబాబు తెలిపారు.