ఏపీలో మరో దారుణం..బాలికపై యువకుల అఘాయిత్యం

దిశ, వెబ్ డెస్క్: బాపట్ల జిల్లా ఈపురుపాలెం ఘటన మరువకముందే మరో దారుణం కలకలం రేపింది. ఈపురుపాలెంలో యువతిపై గంజాయి బ్యాచ్ అత్యాచారం చేసి హత్య చేశారు. తాజా ఘటనలో బాలికపై ఇద్దరు యువకులు అఘాయిత్యానికి పాల్పడ్డారు. ఈ ఘటన నెల్లూరు జిల్లా గూడూరులో జరిగింది. గూడూరు మండలం రామలింగాపురానికి చెందిన ఇద్దరు యువకులు అదే గ్రామానికి చెందిన బాలికపై కొంతకాలంగా లైంగిక వేధింపులకు పాల్పడుతున్నారు. వీడియో తీసి మరీ బాలికను బెదిరిస్తూ పదే పదే అఘాత్యానికి తెగించారు. బాలిక భరించలేక తల్లిదండ్రులకు తెలిపింది. దీంతో పోలీసులకు ఫిర్యాదు చేశారు. కేసు నమోదు చేసిన పోలీసులు..నిందితులను పట్టుకునేందుకు ముమ్మరంగా గాలిస్తున్నారు.