నెల్లూరులో భారీ అగ్నిప్రమాదం.. దివ్యాంగురాలు సజీవ దహనం

దిశ, వెబ్ డెస్క్: నెల్లూరు సిటీ బర్మాషాల్‌గుంటలో భారీ అగ్నిప్రమాదం జరిగింది. ఓ ఇంట్లో సిలిండర్ పేలడంలో మంటలు ఎగిపడ్డాయి. ఈ మంటలు పక్కనున్న ఇళ్లకు సైతం అంటుకోవడంతో మరో ఐదు సిలిండర్లు ఒక్కసారిగా పేలాయి. భారీ శబ్ధాలతో మంటలు ఆప్రాంతమంతా వ్యాపించాయి. ఈ ఘటనలో నాలుగు పూరిళ్లు దగ్థం అయ్యాయి. అయితే ఓ పురింట్లో చిక్కుకున్న దివ్యాంగురాలు నాగలక్ష్మి సజీవ దహనం అయ్యారు. విషయం తెలుసుకున్న ఫైర్ సిబ్బంది, పోలీసులు ఘటనా స్థలానికి చేరుకుని మంటలను అదుపు చేశారు. దివ్యాంగురాలి మృతదేహాన్ని పోస్టుమార్టంకు తరలించారు. కేసు నమోదు చేసి దర్యాప్తు చేస్తున్నారు.