బన్నీ, సుకుమార్ సినిమా టైటిల్ ఇదేనా?

దిశ, వెబ్‌డెస్క్: సుకుమార్.. తెలుగు ఇండస్ట్రీ స్టార్ డైరెక్టర్. ఆయన తీసిన సినిమాలు చాలా భిన్నంగా ఉంటాయ్. తొలి సినిమా ‘ఆర్య’ నుంచి ‘రంగస్థలం’ వరకు…. సినిమా సినిమాకు వేరియేషన్ చూపించాడు సుక్కు. సినిమాను తెరకెక్కించే విధానంలోనే లాజిక్ ఉండగా… మూవీ సక్సెస్‌ విషయంలో ఈ లెక్కల మాస్టర్ లెక్కలు వేరేగా ఉంటాయ్. ముఖ్యంగా సినిమా విజయవంతం అయ్యేది టైటిల్ నుంచే అని భావించే సుకుమార్.. వెరైటీ టైటిల్స్‌తో ప్రేక్షకులను మెప్పించడంలో దిట్ట.

‘రంగస్థలం’ తర్వాత సుకుమార్ డైరెక్షన్‌లో వస్తున్న సినిమాలో స్టైలిష్ స్టార్ అల్లు అర్జున్ హీరోగా నటిస్తున్నారు. ఎర్రచందనం స్మగ్లింగ్ నేపథ్యంలో సాగే ఈ చిత్రంలో బన్నీ లారీ డ్రైవర్‌గా కనిపించనున్నాడని సమాచారం. అయితే ఈ సినిమాకు ‘పుష్ప’ అనే టైటిల్ ఖరారైనట్లు ఫిల్మ్ నగర్ టాక్. అల్లు అర్జున్‌కు ఇది 20వ సినిమా కాగా… చిత్రంలో బన్నీ పేరు పుష్పక్ నారాయణ అని తెలుస్తోంది. హీరోయిన్‌గా రష్మిక మందనా ఫైనల్ కాగా… ఆదివాసీల తెగకు చెందిన అమ్మాయిగా అలరించబోతోందట. విజయ్ సేతుపతి ప్రధానపాత్రలో కనిపించబోతున్న చిత్రంపై ఫస్ట్ లుక్ రిలీజ్ కాకుండానే భారీ అంచనాలు నెలకొన్నాయి. కాగా బుధవారం బన్నీ పుట్టినరోజు సందర్భంగా ఈ టీం నుంచి ఓ సర్‌ప్రైజ్ ఉంటుందని ప్రకటించింది మూవీ యూనిట్. ఈ సర్‌ప్రైజ్ ఏమై ఉంటుందా? అని బన్నీ ఫ్యాన్స్ ఎదురుచూస్తున్నారు..

Tags: Sukumar, Allu Arjun, AA20, Pushpa, Tollywood