‘సూర్యవంశీ’ మూవీ నుంచి మరో సాంగ్ ‘నాజా’ రిలీజ్..

దిశ,సినిమా: బాలీవుడ్ ఖిలాడి అక్షయ్ కుమార్ కత్రీనా కైఫ్ జంటగా తెరకెక్కుతున్న చిత్రం ‘సూర్యవంశీ’.. మూవీ నుంచి తాజాగా ‘నజా’ పేరుతో ఓ సాంగ్‌ను మేకర్స్ రిలీజ్ చేశారు. ప్రస్తుతం ఈ సాంగ్ సోషల్ మీడియా ప్లాట్ ఫామ్‌ల్లో హల్ చల్ చేస్తోంది. కాగా ఈ సాంగ్‌లో హీరో హీరోయిన్ పూర్తిగా బ్లాక్ కలర్ దుస్తుల్లో స్టైలిష్‌గా కనిపించగా మ్యూజిక్ బీట్‌లు ఫ్యాన్స్‌ను తెగ ఆకట్టుకుంటున్నాయి. తనిష్క్ బాగ్చి సంగీతం అందించిన ఈ గీతాన్ని పావ్ ధరియా, నిఖిత ఆలపించారు. ఇక అక్షయ్ కుమార్ తన ఇన్‌స్టా పేజీలో పాట టీజర్‌ను షేర్ చేస్తూ..‘ఈ దీపావళికి భారీ యాక్షన్ థ్రిల్లర్ మీ ముందుకు వస్తుంది. మీరంతా నవంబరు 5న సూర్యవంశీ సినిమా చూడటానికి సిద్ధంగా ఉండండి’ అంటూ అభిమానులను థియేటర్లకు ఆహ్వానించడం విశేషం. ఇక రోహిత్ శెట్టి దర్శకత్వంలో తెరకెక్కుతున్న ఈ చిత్రంలో అక్షయ్ కత్రీనా ప్రధాన పాత్రలు పోషిస్తుండగా.. రణ వీర్‌సింగ్, అజయ్ దేవ్‌గన్ అతిధి పాత్రలో కనిపించనున్నారు.