యాక్టర్ అలీ పేరుతో ఫేక్ ట్విట్టర్ అకౌంట్

దిశ, వెబ్ డెస్క్: ప్రముఖ కమెడియన్, యాక్టర్ అలీ పేరుతో ఓ నకిలీ ట్విట్టర్ అకౌంట్ ఆలస్యంగా వెలుగులోకి వచ్చింది. ఈ అకౌంట్‌ను 2017నుంచి గుర్తు తెలియని ఓ వ్యక్తి ‘యాక్టర్ అలీ అఫీషియల్’ పేరుతో నడిపిస్తున్నట్లు తేలింది. దీని ద్వారా హీరో అండ్ హీరోయిన్స్‌కు విషెస్ చెబుతూ పోస్టింగులు కూడా పెట్టాడు.ఈ విషయం ఆలస్యంగా తెలుసుకున్న అలీ శనివారం సైబరాబాద్ క్రైమ్ డీసీపీకి ఫిర్యాదు చేశారు. ఈ మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.