హిమాయత్‌నగర్‌లో మహిళ దారుణ హత్య

దిశ, చేవెళ్ల: రంగారెడ్డి జిల్లా మొయినాబాద్ మండలం హిమాయత్‌నగర్‌‌లో ఓ మహిళ దారుణ హత్యకు గురైంది. ఓ వెంచర్‌లో బుధవారం అర్ధరాత్రి మహిళను గుర్తు తెలియని దుండగులు బండరాళ్లతో కొట్టి హత్య చేశారు. మృతురాలు వికారాబాద్ జిల్లా తాండూరు మండలం జంగంకు చెందిన ఎత్తిరి లక్ష్మీగా గుర్తించారు. సదరు మహిళ 15 రోజుల క్రితం ఉపాధి కోసం స్థానికంగా పనిచేసేందుకు వచ్చింది. లక్ష్మీకి ఆరేళ్ల క్రితం వివాహమైంది. రెండేళ్ల కూతురు ఉంది. అయితే హత్యకు గల కారణాలు తెలియరాలేదు. ఘటనాస్థలికి చేరుకున్న పోలీసులు మృతదేహాన్ని ఉస్మానియా ఆస్పత్రికి తరలించి కేసు నమోదు చేసి దర్యాప్తు చేపట్టారు.