మహిళపై అత్యాచారం… చంపుతానని బెదిరింపు

దిశ, ఆలేరు: తనపై అత్యాచారం జరిగిందని, ఎలాగైనా తనకు న్యాయం చేయాలని కోరుతూ ఆలేరు పోలీసు స్టేషన్‌లో ఓ యువతి ఫిర్యాదు చేసింది. ఈ కేసు యాదాద్రి భువనగిరి జిల్లా ఆలేరు పోలీస్ స్టేషన్‌లో మంగళవారం నమోదు అయ్యింది. వివరాళ్లోకి వెళితే… రెండ్రోజులు క్రితం పట్టణానికి చెందిన ఓ మహిళా ఆలేరు ప్రభుత్వ ఆసుపత్రికి వైద్యం కోసం వెళ్లింది.

వైద్యం చేయించుకున్న అనంతరం ఇంటికి వెళ్లేందుకు బస్టాండ్‌లో ఉండగా ఆమె ఇంటి పక్కనే ఉండే ఓ వ్యక్తి ఇంటి వద్ద దించుతానని ఆమెను బైక్‌పై ఎక్కించుకున్నారు. ఈ క్రమంలో ఆమెను యాదగిరిగుట్టకు తీసుకెళ్లి, రెండ్రోజులు అత్యాచారం చేశారని, ఎవరికైనా చెబితే చంపేస్తానని బెదిరించారని బాధిత మహిళ స్థానిక ఆలేరు పోలీస్ స్టేషన్లో ఫిర్యాదు చేసింది. ఫిర్యాదు స్వీకరించిన పోలీసులు నిందితులపై కేసు నమోదు చేసుకుని దర్యాప్తు చేస్తున్నామని తెలిపారు.