విషాదం.. స్నానానికి గోదావరిలో దిగి ముగ్గురు మృతి

దిశ, వెబ్ డెస్క్: గోదావరి నదిలో స్నానం కోసం దిగిన ముగ్గురు నీటిలో మునిగి మృతి చెందారు. ఈ విషాద సంఘటన అంబేద్కర్ కోనసీమ జిల్లా రావులపాలెం లో చోటు చేసుకుంది. వివరాల్లోకి వెళితే.. రావులపాలెనికి చెందిన ముగ్గురు సరదాగా గోదావరి నది వద్దకు వెళ్లారు. అందరూ కలిసి స్నానం చేసేందుకు నీటిలో దిగారు. అయితే వారు అనుకున్నదానికంటే లోతు ఎక్కువగా ఉండటంతో ముగ్గరు ఇతరాక ఆ నీటిలో మునిగి చనిపోయారు. ఇది గమనించిన స్థానికులు మృతదేహాలను బయటకు తీశారు. ఈ సమాచారం అందుకున్న పోలీసులు సంఘటన స్థలానికి చేరుకుని.. మృతులు ఈశ్వర్ రెడ్డి, సంపత్ రెడ్డి, జయకుమార్ గా గుర్తించారు. అలాగే పోస్టుమార్టం నిమిత్తం మృతదేహాలను స్థానిక ఆస్పత్రికి తరలించి.. కేసు నమోదు చేసుకుని దర్యాప్తు చేస్తున్నట్లు తెలిపారు.