భద్రతా బలగాల వాహనం పేల్చిన ఘటనలో ఆరుగురు మావోలు అరెస్ట్
దిశ, భద్రాచలం : ఛత్తీస్ఘడ్ రాష్ట్రం టేకులగూడెం సమీపంలో ఈనెల 23న భద్రతా బలగాలను లక్ష్యంగా చేసుకొని జవాన్లు ప్రయాణిస్తున్న వాహనాన్ని మావోయిస్టులు ఐఈడీ బాంబుతో పేల్చివేశారు. ఈ సంఘటనలో కోబ్రా 201 బెటాలియన్ కు చెందిన విష్ణు, శైలేంద్ర అను ఇద్దరు జవాన్లు మృతి చెందారు. జవాన్లు మృతి చెందిన మూడు రోజుల్లోనే ఛత్తీస్ఘడ్ పోలీసులు ఇందుకు కారణమైన ఆరుగురు మావోలను అరెస్టు చేశారు. అరెస్ట్ అయిన మావోల నుండి పెద్ద ఎత్తున పేలుడు పదార్థాలు స్వాధీనం చేసుకున్నట్లు సుక్మా ఎస్పీ కిరణ్ చౌహన్ తెలిపారు.
Next Story
