ఘోర రోడ్డు ప్రమాదం.. ఏడుగురు దుర్మరణం

దిశ, వెబ్‌డెస్క్: మధ్య ప్రదేశ్‌లో ఘోర రోడ్డు ప్రమాదం జరిగింది. ఆటో, ట్రక్కు ఢీకొని ఏడుగురు అక్కడికక్కడే దుర్మరణం చెందారు. మరికొందరి పరిస్థితి విషమంగా ఉంది. ఈ ఘటన మంగళవారం తెల్లవారుజామున ఛతర్‌పూర్ జిల్లాలో చోటుచేసుకుంది. ప్రమాదాన్ని గమనించిన స్థానికులు అంబులెన్సుల ద్వారా క్షతగాత్రులను ఆసుపత్రి తరలించారు. విషయం తెలుసుకున్న పోలీసులు హుటాహుటిన ఘటనా స్థలానికి చేరుకొని కేసు నమోదు చేసుకున్నారు. అనంతరం దర్యాప్తు ప్రారంభించారు. కాగా, ఈ మధ్య కాలంలో మధ్యప్రదేశ్‌లో వరుస ప్రమాదాలు చోటుచేసుకుంటున్నాయి. దీంతో పదుల సంఖ్యలో మృతి చెందుతున్నారు. ఇటీవలే పడవ ప్రమాదం కారణంగా 11 మంది మృతిచెందిన విషయం తెలిసిందే. ఇది మరువకముందే రోడ్డు ప్రమాదంలో ఏకంగా ఏడుగురు స్పాట్‌లోనే దుర్మరణం చెందడం కలవరపాటుకు గురిచేస్తోంది. ఈ ప్రమాదానికి సంబంధించిన పూర్తి వివరాలు తెలియాల్సి ఉంది.