Marijuana : గంజాయి పట్టివేత

దిశ, ముధోల్ : గంజాయిని రవాణా చేస్తున్న ఇద్దరు వ్యక్తులను శుక్రవారం పట్టుకున్నట్లు ముధోల్ సీఐ మల్లేష్ తెలిపారు. బైంసా నుండి ఇద్దరు వ్యక్తులు ద్విచక్ర వాహనంపై ముధోల్ వైపు వస్తుండగా ముందస్తు సమాచారం మేరకు 450 గ్రాముల గంజాయిని పట్టుకున్నట్లు తెలిపారు. వీరు బైంసా, మహారాష్ట్రలోని ధర్మాబాద్ కు చెందిన వ్యక్తులుగా గుర్తించారు. పట్టుకున్న గంజాయి విలువ రూ.11 వేలు ఉంటుందని సీఐ తెలిపారు. గంజాయిని ఎవరైనా విక్రయించినట్లయితే చట్టరీత్యా చర్యలు తీసుకోవడం జరుగుతుందని అన్నారు. ఈ మేరకు కేసు నమోదు చేసుకున్నట్లు పోలీసులు తెలిపారు. ఇందులో ముధోల్ ఎస్సై సాయి కిరణ్ ,బాసర ఎస్సై గణేష్, పోలీస్ సిబ్బంది తదితరులు ఉన్నారు.