మొత్తం డేటా డిలీట్ చేసిన ప్రణీత్రావు.. క్రిమినల్ చర్యలకు సిద్ధమైన అధికారులు!
దిశ, తెలంగాణ క్రైం బ్యూరో: ఫోన్ట్యాపింగ్వ్యవహారంలో సస్పెండ్అయిన డీఎస్పీ ప్రణీత్రావుపై క్రిమినల్చర్యలు తీసుకోవాలని పోలీసు ఉన్నతాధికారులు నిర్ణయించినట్టుగా సమాచారం. ఈ మేరకు ఒకటి రెండు రోజుల్లో ఉత్తర్వులు వెలువడే అవకాశాలున్నాయి. బీఆర్ఎస్ప్రభుత్వం అధికారంలో ఉన్నపుడు ప్రతిపక్ష పార్టీలకు చెందిన ముఖ్య నేతల ఫోన్లను ట్యాపింగ్చేయించినట్టుగా పెద్ద ఎత్తున ఆరోపణలు వచ్చిన విషయం తెలిసిందే. ప్రస్తుత ముఖ్యమంత్రి రేవంత్రెడ్డితోపాటు బీజేపీ అగ్రనాయకుల్లో ఒకరైన బండి సంజయ్పలుమార్లు ఫోన్ట్యాపింగులపై అప్పటి ప్రభుత్వం మీద పెద్ద ఎత్తున విమర్శలు కూడా చేశారు. తాజాగా ఇదే వ్యవహారంలో ఎస్ఐబీలో డీఎస్పీగా పని చేసిన ప్రణీత్రావును సస్పెండ్చేస్తూ డీజీపీ రవిగుప్తా ఉత్తర్వులు జారీ చేశారు.
ఎస్వోటీ ఇన్‌ఛార్జ్‌గా..
బీఆర్ఎస్ప్రభుత్వ హయాంలో ప్రణీత్రావు ఎస్ఐబీలో ఎస్వోటీ టీం ఇన్‌ఛార్జిగా వ్యవహరించారు. ఆ సమయంలోనే ప్రణీత్రావు ప్రతిపక్ష పార్టీలకు చెందిన పలువురు ప్రముఖ నాయకుల ఫోన్లను ట్యాప్చేశారు. కాగా, ప్రభుత్వం మారగానే ఆయనను రాజన్న సిరిసిల్ల జిల్లా డీసీఆర్బీకి బదిలీపై చేశారు. అయితే, ఈ మధ్యకాలంలోనే ఎస్ఐబీ ఆఫీస్‌లోని సీసీ కెమెరాలను ఎలక్ట్రీషియన్ సహాయంతో ఆఫ్ చేయించి ప్రణీత్రావు పలు కీలక రికార్డులను మాయం చేసినట్టు తెలిసింది. దాంతో పాటు 42 హార్డ్ డిస్కుల్లో కొన్నింటిని రిమూవ్చేయటంతోపాటు మరికొన్నింటిని రిప్లేస్చేశారు. ఎస్ఓటీ లాగర్రూంలో ఉన్న కీలకమైన సీడీఆర్వివరాలు, ఐఎంఈఐ నెంబర్లు, ఐపీడీఆర్ డేటాను పూర్తిగా చెరిపివేశారు. నేరపూరిత ఉద్దేశ్యంతోనే ప్రణీత్రావు ఇదంతా చేశారని నిశ్చయించుకున్న ఉన్నతాధికారులు అతన్ని విధుల్లో నుంచి సస్పెండ్చేస్తూ ఉత్తర్వులు జారీ చేశారు. ప్రస్తుతం రాజన్న సిరిసిల్ల డీఎస్ఆర్బీలో ఉన్న ప్రణీత్రావును ఉన్నతాధికారుల అనుమతి లేకుండా జిల్లా విడిచి బయటకు వెళ్ల వద్దని ఆదేశించారు.
