BREAKING: తెలంగాణలో అత్యంత దారుణ ఘటన.. వీధి కుక్కల దాడిలో చిన్నారి దుర్మరణం
దిశ, వెబ్‌డెస్క్: రాష్ట్ర వ్యాప్తంగా వీధి కుక్కలు రెచ్చిపోతున్నాయి. నిత్యం ఎక్కడో ఒకచోట చిన్నారులు, పెద్దలు అనే తేడా లేకుండా వరుసగా దాడులకు తెగబడుతూ.. వారి ప్రాణాలను బలి తీసుకుంటూనే ఉన్నాయి. ఈ క్రమంలోనే హైదరాబాద్ జవహర్‌నగర్‌రో అత్యంత దారుణ ఘటన చోటుచేసుకుంది. రెండేళ్ల చిన్నారిపై వీధి కుక్కలు అత్యంత పాశవికంగా దాడి చేయగా అతడు చికిత్స పొందుతూ ప్రాణాలు విడిచాడు. జవహర్‌నగర్‌కు చెందిని విహాన్ ఆరు బయట ఆడుకుంటుండగా మంగళవారం రాత్రి వీధి కుక్కలు ఒక్కసారిగా చుట్టుముట్టి విచక్షణారహితంగా దాడికి పాల్పడ్డాయి. ఈ ఘటనలో విహాన్2కు శరీరమంతా గాలు అవ్వడంతో అల్లాడిపోయాడు. గమనించిన కుటుంబ సభ్యులు చిన్నారిని హుటాహుటిన స్థానిక ఆసుపత్రికి తరలించారు. అక్కడ పరిస్థితి విషమించడంతో గాంధీ ఆసుపత్రికి తీసుకెళ్లగా.. చిన్నారి విహాన్ చికిత్స పొందతూ మృతిచెందాడు. అల్లారుముద్దుగా పెంచుకున్న చిన్నారి విహాన్ ప్రాణాలు కోల్పోవడంతో తల్లిదండ్రులు గుండెలు బద్దలయ్యేలా రోదించడం అక్కడున్న వారిని కంటతడి పెట్టించింది.
