బ్రేకింగ్: ముంబైలో భారీ అగ్ని ప్రమాదం.. ఆరుగురు మృతి.. భవనంలో చిక్కుకున్న 30 మంది

దిశ, వెబ్‌డెస్క్: మహారాష్ట్రలో భారీ అగ్ని ప్రమాదం చోటు చేసుకుంది. శుక్రవారం తెల్లవారుజూమున ముంబైలోని గోరెగావ్ ఎంజీ రోడ్డులోని ఓ ఐదంతస్తుల భవనంలో మంటలు ఎగసిపడ్డాయి. పెద్ద ఎత్తున వ్యాపించిన మంటలు అపార్ట్ మెంట్‌ను చుట్టుముట్టాయి. ఈ ప్రమాదంలో ఆరుగురు సజీవ దహనం కాగా.. మరో ఇద్దరి పరిస్థితి విషమంగా ఉంది. దాదాపు మరో 30 మంది వరకు భవనంలో చిక్కుకున్నట్లు తెలుస్తోంది. సమాచారం అందుకున్న పోలీసులు, రెస్య్కూ బృందాలు హుటాహుటిన ఘటన స్థలానికి చేరుకుని సహయక చర్యలు చేపట్టాయి.

మంటల్లో గాయపడ్డవారిని చికిత్స నిమిత్తం ఆసుపత్రికి తరలించారు. భవనంలో చిక్కుకున్న వారి కోసం రెస్య్కూ ఆపరేషన్ కొనసాగుతోంది. రద్దీ ఎక్కువగా ఉండే గోరెగావ్ ఎంజీ రోడ్డులో అగ్ని ప్రమాదం జరగడంతో స్థానికులు తీవ్ర భయాందోళనకు గురయ్యారు. కాగా, భవనంలో అగ్ని ప్రమాదం చోటు చేసుకోవడానికి గల కారణాలు తెలియాల్సి ఉంది. ఈ ప్రమాదంలో మృతుల సంఖ్య మరింత పెరిగే అవకాశం ఉన్నట్లు అధికారులు తెలిపారు.