పల్లవి ప్రశాంత్ తెలివి మామూలుగా లేదుగా.. ఓట్ల కోసం ప్రతి ఇంటికి రైస్ బ్యాగ్

దిశ, సినిమా: తెలుగు ప్రేక్షకులను ఎంతగానో ఆకట్టుకుంటున్న రియాలిటీ షో ‘బిగ్ బాస్’. ఇప్పటికే ఆరు సీజన్స్ విజయవంతంగా పూర్తి చేసుకోగా... ప్రస్తుతం సీజన్ 7 రసవత్తరంగా సాగుతోంది. మొత్తానికి 14వ వారం పూర్తికాగా, అందరూ అనుకున్నట్టుగానే శోభా శెట్టి ఎలిమినేట్ అయింది. ఇక ఇంట్లో మిగిలింది పల్లవి ప్రశాంత్, శివాజీ, ప్రియాంక, అమర్, యావర్, అర్జున్. కాగా తాజాగా పల్లవి ప్రశాంత్‌కు సంబంధించిన న్యూస్ ఒకటి వైరల్ అవుతుంది.

యూట్యూబ్ ఛానల్ ద్వారా వ్యవసాయ పనులు, రైతు పంట పండించడానికి పడే కష్టం గురించి వీడియోలు చేసి సోషల్ మీడియాలో భారీ స్థాయిలో అభిమానులను సొంతం చేసుకున్నాడు పల్లవి ప్రశాంత్. అలా ఒక కామన్ మ్యాన్‌గా బిగ్ బాస్ హౌజ్‌లోకి ఎంట్రీ ఇచ్చి.. ప్రతి ఒక్క టాస్క్‌లోనూ అదరగొట్టి అభిమానులను సొంతం చేసుకున్నాడు. ఇలా ప్రతివారం తన గ్రాఫ్ పెంచుకుంటూ వస్తున్న పల్లవి ప్రశాంత్ మొత్తానికి టైటిల్ రేసులో ఫైనలిస్ట్స్‌లో ఒకరిగా ఉన్నాడు. మరొక ఆరు రోజులలో విన్నర్ ఎవరనే విషయం తెలిసిపోతుంది. అయితే ప్రశాంత్ విన్నర్ కావాలని తన టీం పెద్ద ఎత్తున ప్రచారం చేస్తుందట. ఇందులో భాగంగా వారి గ్రామంలో ఓట్ల కోసం ప్రతి ఇంటికి ఒక రైస్ బ్యాగ్ ఫ్రీగా అందించడం గమనార్హం.