బిగ్బాస్ హౌస్‌లో డబుల్ ఎలిమినేషన్.. ఆ ఇద్దరు అవుట్?
దిశ, వెబ్‌డెస్క్: నాగార్జున హోస్ట్‌గా చేస్తోన్న తెలుగు బిగ్ బాస్ సీజన్- 7 మరో ఐదు వారాల్లో ముగియనుంది. ప్రస్తుతం హౌస్‌లో పది మంది కంటెస్టెంట్స్ ఉన్నారు. ఇప్పడు హౌస్‌లో శివాజీ కెప్టెన్‌గా వ్యవహరిస్తున్నాడు. ఇక 11వ వారం నామినేషన్స్‌లో అర్జున్, గౌతమ్ యావర్, అమర్, అశ్విని, రతిక, ప్రియాంక, శోభ ఉన్నారు. పల్లవి ప్రశాంత్ ఒక్కడు మాత్రమే నామినేట్ కాలేదు. అయితే నాగార్జున ఉల్లా పల్టా అని చెప్పిన విధంగానే షాకుల మీద షాకులు ఇస్తున్నాడు. కాగా ఈ వీక్ డబుల్ ఎలిమినేషన్ ఉంటుందని సోషల్ మీడియాలో ఓ వార్త వైరల్ అవుతోంది.
డబుల్ ఎలిమినేషన్ ద్వారా బిగ్బాస్ రతిక, అశ్వినిలను ఇంటికి పంపించే ఆలోచనలో ఉన్నట్లు టాక్. రతిక 4వ వారం ఎలిమినేట్ అయింది. బిగ్ బాస్ మరో అవకాశం ఇవ్వడంతో రీఎంట్రీ ఇచ్చింది. ఇక అశ్విని వైల్డ్ కార్డు ఎంట్రీ ఇచ్చిన విషయం తెలిసిందే. 5వ వారం మినీ లాంచ్ ఈవెంట్‌తో హౌస్‌లోకి అడుగుపెట్టింది. కాగా డబుల్ ఎలిమినేషన్‌లో పక్కా ఈ ఇద్దరే ఉంటారు. మరో ముగ్గురు కంటెస్టెంట్లు 12, 13, 14 వారాల్లో ఎలిమినేట్ అవుతారు. మిగిలిన ఐదుగురు టాప్ కంటెస్టెంట్స్‌గా ఫైనల్‌కు చేరుకుంటారని నెటిజన్లు అంచనా వేస్తున్నారు.
