బిగ్‌బాస్ సీజన్-7: విన్నర్ కన్ఫామ్.. ఆట సందీప్ భార్య ఆసక్తికర పోస్ట్
దిశ, వెబ్‌డెస్క్: తెలుగు రియాలిటీ షో బిగ్‌బాస్ సీజన్-7 ఈ సారి అత్యధిక రేటింగ్‌తో దూసుకుపోతుంది. ఇక బిగ్‌బాస్ షో చివరి దశకు చేరుకుంది. బిగ్ బాస్ ఏడో సీజన్ ఉల్టా పుల్టా కాన్సెప్టుతో మొదలైంది. పదిహేను వారాల పాటు ప్రేక్షకులకు ఎన్నో రకాలుగా మజాను అందించిన ఈ షో.. ఆదివారంతో ముగియనుంది. ఇక, ఇందులోకి మొత్తం 19 మంది కంటెస్టెంట్లుగా ఎంట్రీ ఇచ్చారు. వారిలో శివాజి, అమర్‌దీప్ చౌదరి, ప్రిన్స్ యావర్, పల్లవి ప్రశాంత్, ప్రియాంక జైన్, అంబటి అర్జున్‌లు ఫైనలిస్టులుగా నిలిచిన విషయం తెలిసిందే. ఆదివారం డిసెంబర్ 17న సాయంత్రం 7 గంటలకు ఫైనల్ ఎపిసోడ్ ప్రసారం కానుంది.
ఈ క్రమంలో బిగ్‌బాస్ విన్నర్ ఎవరు అవుతారో అని ప్రేక్షకులు ఎదురుచూస్తున్నారు. ఈ క్రమంలో తాజాగా, బిగ్‌బాస్-7 కంటెస్టెంట్ ఆట సందీప్ భార్య జ్యోతి తన ఇన్‌స్టాగ్రామ్‌లో ఓ ఆసక్తికర పోస్ట్ షేర్ చేసింది. ‘‘హార్డ్ వర్క్ ఎప్పుడూ ఫెయిల్ కాదు. ఆ దేవుడు నిన్న చల్లగా చూడాలి తమ్ముడు. స్పై ఫ్యాన్స్ 8.30 గంటలకు అన్నపూర్ణ స్టూడియోకు వచ్చేయండి’’ అంటూ రాసుకొచ్చింది. అంతేకాకుండా ప్రశాంత్ విన్నర్ అయినట్లు తెలుపుతూ అతడి ఫొటోను కూడా షేర్ చేసింది. విన్నర్ ఎవరో బిగ్‌బాస్ సెట్స్‌లో ముందుగానే చర్చించి కన్ఫామ్ కావడం వల్లే ఈ పోస్ట్ పెట్టిందని అందరూ అనుకుంటున్నారు.
