ఎకరాకు రూ.40 వేలు పరిహారం ఇవ్వాలి..

దిశ, వెబ్ డెస్క్: గవర్నర్ తమిళ సైకి టీడీపీ నేత ఎల్.రమణ లేఖ రాశారు. భారీ వర్షాలకు రాష్ట్రంలో పంటలు దెబ్బ తిన్నాయని లేఖలో పేర్కొన్నారు. తాత్కాలిక అంచనా ప్రకారం 25లక్షల ఎకరాల్లో నష్టం జరిగినట్టు తెలిపారు. పంట నష్టం గురించి అధికారులు అంచనా వేసినట్టు ఎక్కడా కనిపించలేదని అన్నారు. రాష్ట్రంలో కురిసిన భారీ వర్షాలకు 100 మందికి పైగా చనిపోయారని అన్నారు. నష్టపోయిన రైతులకు ఎకరాకు రూ.40వేలు పరిహారం చెల్లించాలని ఆయన కోరారు. సీఎంకు తగు ఆదేశాలు జారీ చేసి రైతులను ఆదుకోవాలని ఆమెను కోరారు.