వరల్డ్ కప్ ఫైనల్ మ్యాచ్‌లో టీమిండియా ఆలౌట్

దిశ, వెబ్‌డెస్క్: వరల్డ్ కప్ ఫైనల్ మ్యాచ్‌లో టీమిండియా బ్యాటర్లు నిరాశపరిచారు. తక్కువ స్కోరుకే పది వికెట్లు సమర్పించారు. ఫైనల్ మ్యాచ్‌లో ఆస్ట్రేలియా ఎదుట కేవలం 241 పరుగుల లక్ష్యాన్ని నిర్ధేశించారు. భారత బ్యాటర్లలో కెప్టెన్ రోహిత్ శర్మ (47), విరాట్ కోహ్లీ(54), కేఎల్ రాహుల్ (66) మినహా అందరూ నిరాశపరిచారు. వరుసగా ఇప్పటివరకు జరిగిన అన్ని మ్యాచుల్లో అద్భుతంగా రాణించి.. ఇవాళ్టి కీలక మ్యాచ్‌లో చేతులెత్తేశారు. ఆస్ట్రేలియా బౌలర్లలో మిచెల్ స్టార్క్ మూడు వికెట్లు, హేజుల్‌వుడ్ రెండు వికెట్లు, కమిన్స్ రెండు వికెట్లు తీయగా.. మ్యాక్స్‌వెల్, జంపా చెరో వికెట్ తీశారు.