- తెలంగాణ
- ఆంధ్రప్రదేశ్
- సినిమా
- గాసిప్స్
- క్రైమ్
- లైఫ్-స్టైల్
- ఎడిట్ పేజీ
- రాజకీయం
- జాతీయం
- బిజినెస్
- వాతావరణం
- స్పోర్ట్స్
- జిల్లా వార్తలు
- ఎన్ఆర్ఐ - NRI
- సెక్స్ & సైన్స్
- ఫొటో గ్యాలరీ
- వైరల్
- భక్తి
World Cup 2023 Qualifiers: వన్డే వరల్డ్ కప్కు నెదర్లాండ్స్ క్వాలిఫై..
దిశ, వెబ్డెస్క్: స్కాట్లాండ్తో జరిగిన వరల్డ్కప్ క్వాలిఫయర్స్ సూపర్ సిక్స్ మ్యాచ్లో డచ్ జట్టు నాలుగు వికెట్ల తేడాతో సంచలన విజయం సాధించింది. ఆల్రౌండ్ ప్రదర్శనతో (బౌలింగ్లో 5 వికెట్లు, బ్యాటింగ్లో సెంచరీ) మెరిసిన బాస్ డీ లీడే హైలెట్గా నిలిచాడు. దీంతో క్వాలిఫయర్-2 హోదాలో నెదర్లాండ్స్ వరల్డ్కప్కు పదో జట్టుగా అర్హత సాధించింది. ఇక క్వాలిఫయర్-1గా శ్రీలంక ఇప్పటికే వన్డే వరల్డ్కప్కు అర్హత సాధించగా.. తాజాగా డచ్ జట్టు క్వాలిఫయర్-2 హోదాలో వన్డే వరల్డ్కప్కు వెళ్లనుంది. అక్టోబర్ 5 నుంచి నవంబర్ 19 వరకు ఐసీసీ వన్డే వరల్డ్కప్ జరగనుంది. భారత్ గడ్డపై ఈ మెగా సంగ్రామం జరగనుంది.
ఈ మ్యాచ్ మొదట బ్యాటింగ్ చేసిన స్కాట్లాండ్ నిర్ణీత 50 ఓవర్లలో 9 వికెట్ల నష్టానికి 277 పరుగులు చేసింది. బ్రాండన్ మెక్ముల్లన్ 110 బంతుల్లో 106 పరుగులు సెంచరీ చేయగా.. కెప్టెన్ రిచీ బెరింగ్టన్ (64), థామస్ మెకింటోష్ (38) పరుగులు చేశారు. నెదర్లాండ్స్ బౌలర్లలో బాస్ డీ లీడే 5 వికెట్లు తీయగా.. రెయాన్ క్లీన్ 2, వాన్బీక్ ఒక వికెట్ పడగొట్టాడు.
అనంతరం 278 పరుగుల లక్ష్యంతో బరిలోకి దిగిన నెదర్లాండ్స్ 42.5 ఓవర్లలోనే 6 వికెట్లు కోల్పోయి టార్గెట్ను రీచైంది. నెదర్లాండ్స్ మిడిలార్డర్ బ్యాటర్ బాస్ డీ లీడే(92 బంతుల్లో 123 పరుగులు) సంచలన సెంచరీతో జట్టు విజయంలో కీలకపాత్ర పోషించాడు. ఓపెనర్ విక్రమ్జిత్ సింగ్ (40), ఆఖర్లో సకీబ్ జుల్పికర్ (33) నాటౌట్ మెరుపు ఇన్నింగ్స్ ఆడాడు.