తమిళనాడులో ఒక్కరోజే 105 పాజిటివ్ కేసులు

చెన్నై: కరోనా వైరస్ ప్రపంచ దేశాలను కంటిమీద కునుకు లేకుండా చేస్తోంది. భారత్‌లోనూ దీని వ్యాప్తి రోజురోజుకూ విస్తరిస్తోంది. ఈ వైరస్ నియంత్రణకు కేంద్ర, రాష్ర్ట ప్రభుత్వాలు ఎన్ని కఠిన చర్యలు తీసుకున్నప్పటికీ, పాజిటివ్ కేసుల సంఖ్య రోజురోజుకూ పెరుగుతూనే ఉంది. ఈ క్రమంలో ఆదివారం ఒక్కరోజే తమిళనాడులో 105 కరోనా పాజిటివ్ కేసులు నమోదయ్యాయి. దీంతో రాష్ర్టంలో ఈ వైరస్ బాధితుల సంఖ్య 1,477కు చేరినట్టు రాష్ట్ర ఆరోగ్యశాఖ వెల్లడించింది. ఇదిలా ఉండగా, ఆదివారం నమోదైన పాజిటివ్ కేసుల్లో నలుగురు వైద్యులు, ముగ్గురు పాత్రికేయులు, ఇద్దరు పోలీసులు ఉండటం ఆందోళన కలిగిస్తోంది. దీంతో అక్కడి రాష్ట్ర ప్రభుత్వం ఈ మహమ్మారి నియంత్రణకు మరింత కఠిన చర్యలు తీసుకోనున్నట్టు స్పష్టం చేసింది.

Tags : 105 corona cases, registered, TamilNadu, police, doctres, journalists