గోవా క్యాంపునకు జడ్పీటీసీ, ఎంపీటీసీలు

దిశ, కల్లూరు: డిసెంబర్ 10వ తేదీన జరగనున్న స్థానిక సంస్థల ఎమ్మెల్సీ ఎన్నికలకు టీఆర్‌ఎస్ బలపరిచిన అభ్యర్థి తాతా మధుకి మద్దతుగా టీఆర్ఎస్ పార్టీ నిర్వహించే ఎన్నికల క్యాంపునకు కల్లూరు మండల పరిధిలోని జడ్పీటీసీ కట్ట అజయ్ బాబు, ఎంపీపీ బీరవెల్లి రఘు ఆధ్వర్యంలో ఈరోజు మండల పరిషత్ కార్యాలయం నుండి జడ్పీటీసీ, ఎంపీటీసీలు బయలుదేరి వెళ్లారు. మండల పరిధిలోని టీఆర్ఎస్ పార్టీ నుండి గెలిచిన 12 మంది ఎంపీటీసీలతోపాటు కాంగ్రెస్ పార్టీ నుంచి గెలిచిన ముచ్చ వరం ఎంపీటీసీ వైకుంఠపు పద్మావతి కూడా ఈ క్యాంపుకు వెళ్లారు.

క్యాంపుకి బయలుదేరిన ఎంపీటీసీలకు మండల రైతు సమన్వయ సమితి అధ్యక్షులు లక్కినేని రఘు, జిల్లా రైతు సమన్వయ సమితి సభ్యులు పసుమర్తి చందర్రావు, జిల్లా కోఆప్షన్ సభ్యులు మహమ్మద్ ఇస్మాయిల్ టీఆర్ఎస్ మండల పార్టీ కార్యదర్శి కొరకోప్పూ ప్రసాద్ పార్టీ కండువాలు కప్పి వీడ్కోలు పలికారు. ఈ కార్యక్రమంలో మండల పార్టీ ఉపాధ్యక్షులు బి కృష్ణ, మండల నాయకులు కొర్ర నరసింహ, బుర్రి. నరసింహారావు, తదితరులు పాల్గొన్నారు.