వార్ ఆఫ్ వర్డ్స్: కామరాజు vs హితేషా
దిశ,వెబ్‌డెస్క్: జొమాటో డెలివరీ బాయ్ వివాదం సోషల్ మీడియాలో తారాస్థాయికి చేరింది. తాను పెట్టిన ఫుడ్ ఆర్డర్ సమయానికి రాలేదని ప్రశ్నించినందుకు జొమాటో డెలివరీ బాయ్ కామరాజ్ తనపై దాడి చేశాడని, ఈ దాడిలో తన ముక్కుకి తీవ్రంగా గాయమైందంటూ బెంగళూరుకు చెందిన బ్యూటీ ఇన్‌ఫ్లుయెన్సర్ హితేషా చంద్రానీ వీడియో విడుదల చేసిన విషయం తెలిసిందే. దీంతో జొమాటో సంస్థ డెలివరీ బాయ్ కామరాజ్ ను విధుల నుంచి తొలగించింది.
దీనిపై డెలివరీ బాయ్ కామరాజు మాట్లాడుతూ.., క్యాన్సిల్ చేసిన ఫుడ్ ఆర్డర్ ఇవ్వమంటే హితేషా ఇవ్వలేదని, పైగా చెప్పులతో దాడి చేసిందని అన్నాడు. తనని తాను రక్షించుకునేందుకు చేతులు అడ్డుపెట్టుకుంటే.., నా చేతుల్ని పక్కకి నెట్టిందని చెప్పాడు. అదే సమయంలో హితేషా ఉంగరం ధరించిన చేయి ఆమె ముక్కుకు తాకిందని, దీంతో ఆమె ముక్కుకు గాయమైందన్నాడు. ఆ గాయం చూస్తే ఎవరైనా నేనే ఆమె ముక్కుమీద గుద్దానని అనుకుంటారని, కానీ తాను ఉంగరం ధరించలేదన్నాడు. ఆమె చేసిన ఆరోపణల వల్ల నా ఉద్యోగం పోగొట్టుకున్నాను. కుటుంబం రోడ్డున పడింది. చట్టప్రకారం అరెస్ట్ కాకుండా ఉండేందుకు రూ.25వేలు చెల్లించినట్లు జొమాటో డెలివరీ బాయ్ మీడియా ఎదుట కన్నీటి పర్యంతమయ్యాడు. దీంతో నెటిజన్లు కామరాజుకు అండగా నిలుస్తున్నారు. #ZomatoDeliveryGuy హ్యాష్ ట్యాగ్ పేరుతో కామరాజుకు న్యాయం జరగాలని డిమాండ్ చేస్తున్నారు.
♦ ఇన్ స్టా గ్రామ్ లో ఫాలోవర్స్ కోసమే హితేషా ఇలా కామరాజును ఇరికిస్తుందని, దాడికి ముందు ఆమె ఇన్ స్టా ఫాలోవర్స్ 20వేలు ఉంటే ఇప్పుడు ఆమె ఫాలోవర్స్ 50వేలు దాటారని స్క్రీన్ షాట్లను షేర్ చేస్తున్నారు.
♦ డెలివరీ బాయ్ కామరాజు గుద్దితే తన ముక్కు ఎముకలకు గాయాలైనట్లు హితేషా చెప్పిందని, గుద్దితే ముక్కులోని బోన్స్ ఇరిగి.. ఇలా ముక్కు వంకర పోతుందంటూ కొన్ని ఆధారాల్ని ట్వీట్ చేశాడో నెటిజన్
