విలేకరిపై దాడి.. తగలబెడతామని బెదిరింపు

దిశ, ఏపీ బ్యూరో: ఓ బాధితుడిచ్చిన సమాచారంతో కవరేజీకి వెళ్లిన పాత్రికేయునిపై అనంతపురం మైకేర్​ఆస్పత్రి యాజమాన్యం రౌడీలతో దాడి చేయించింది. ఈ ఘటన సోమవారం ఉదయం చోటుచేసుకుంది. ఓ పాత గృహంలో కోవిడ్​ కేర్​ ఆస్పత్రి నిర్వహిస్తున్నారు. సరైన డ్రైనేజీ వసతీ లేదు. ఇవన్నీ వీడియో తీసిన రాజ్​ న్యూస్​ ప్రతినిధి సాయి ప్రసాద్​సంబంధిత వైద్యుడి వివరణ తీసుకునేందుకు వేచి ఉన్నాడు. ఇంతలో పది మంది దుండగులు ఆస్పత్రిలో చొరబడి ప్రసాద్​ను అసభ్య పదజాలంతో తిడుతూ దాడికి పాల్పడ్డారు. మొబైల్​లాక్కున్నారు. మీడియా ఐతే ఏం చేస్తారంటూ.. స్టార్​ అనంత చానల్​ తమదేనంటూ.. డీఎస్పీ తమకు తెలుసంటూ పాత్రికేయుడ్ని వెంబడించారు. బైక్ ను కిందపడేసి ధ్వంసం చేశారు. ఆస్పత్రి దుర్మార్గంపై టూటౌన్​ పోలీసులకు ఫిర్యాదు చేస్తే అది తమ పరిధిలోది కాదని మొహం చాటేశారు.

చిత్తూరు జిల్లాలో ఏకంగా విలేకరి ఇంటిపై దాడి

చిత్తూరు జిల్లా సోమల మండలం కందూరులో ఓ విలేకరి ఇంటిపై గుర్తు తెలియని దుండగులు దాడి చేశారు. ఇంట్లో సామాను బయట పడేసి ధ్వంసం చేశారు. తమకు అనుకూలంగా వార్త రాయలేదనే సాకుతో పెట్రోలు పోసి తగలబెడతామని బెదిరించారు. ఇదంతా వీడియో తీసిన సదరు విలేకరి పోలీసులకు ఫిర్యాదు చేశాడు.