జిన్ పింగ్-పుతిన్ భేటీ పై రష్యా-భారత్ అంబాసిడర్ కీలక వ్యాఖ్యలు

న్యూఢిల్లీ: రష్యా అధ్యక్షుడితో చైనా అధ్యక్షుడి సమావేశంపై రష్యా-భారత్ అంబాసిడర్ డెనిస్ అలిపోవ్ కీలక వ్యాఖ్యలు చేశారు. జిన్ పింగ్ పుతిన్‌తో సమావేశం కావడం వల్ల భారత్-రష్యా మధ్య సంబంధాలపై ఎలాంటి ప్రభావం చూపదని అన్నారు. ఈ మేరకు ఆయన గురువారం ట్వీట్ చేశారు. రష్యా-చైనా సంబంధాలు రష్యా-భారత్ వ్యూహాత్మక బంధాన్ని ప్రభావితం చేస్తాయని భారత నిపుణులు అంటున్నారు. అయితే ఇది సరైంది కాదని డెనిస్ అన్నారు. ‘ఈ రోజుల్లో జిన్‌పింగ్ రష్యా పర్యటన ఫలితాలపై ఆందోళన నెలకొంది. భారతీయ నిపుణులు రష్యా-చైనా సంబంధాలను రష్యా-భారత్ వ్యూహాత్మక భాగస్వామ్యాన్ని దెబ్బతీస్తాయని భావిస్తున్నారు. అయితే ఇది ఊహ మాత్రమే’ అని ట్వీట్ చేశారు. చైనా అధ్యక్షుడు మూడు రోజుల పాటు రష్యాలో పర్యటించారు.