ఎన్‌కౌంటర్‌లో మహిళా మావోయిస్టు మృతి
దిశ, భద్రాచలం : ఛత్తీస్‌గఢ్‌లోని దంతెవాడ జిల్లాలో జరిగిన ఎన్‌కౌంటర్‌లో మావోయిస్టు మృతి చెందారు. గిడామ్ పోలీస్‌స్టేషన్ పరిధిలోని గుమ్లనార్ అటవీ ప్రాంతంలో సోమవారం తెల్లవారుజామున డిఆర్‌జి జవాన్లకి మావోయిస్టులకు నడుమ ఎదురుకాల్పులు జరిగినట్లు దంతెవాడ ఎస్‌పి అభిషేక్ పల్లవ తెలిపారు. హోరాహోరీగా జరిగిన కాల్పుల అనంతరం సంఘటన ప్రదేశంలో ఓ మహిళా మావోయిస్టు మృతదేహం, రెండు గన్స్, బ్లాక్ యూనిఫాం, 2 కిలోల ఐఈడీలను జవాన్లు స్వాధీనం చేసుకున్నారు. మృతి చెందిన మహిళా మావోయిస్టుపై రూ. 2 లక్షల రూపాయల రివార్డు ఉన్నట్లుగా పోలీసులు తెలిపారు.
Advertisement
Next Story
