న్యూ ఇయర్ కానుకగా ప్రియాంక ‘వి కెన్ బీ హీరోస్’
దిశ, వెబ్‌డెస్క్: ప్రియాంక చోప్రా నటిస్తున్న హాలీవుడ్ సూపర్ హీరోస్ చిత్రం ‘వి కెన్ బీ హీరోస్’. ఈ చిత్రం ఎప్పుడెప్పుడు విడుదలవుతుందా అని ఎదురు చూసిన అభిమానులకు నెట్‌ఫ్లిక్స్ గుడ్ న్యూస్ చెప్పేసింది. ఆ సినిమా టీజర్‌తో పాటు ప్రేక్షకులకు న్యూ ఇయర్ కానుక అందిస్తున్నట్లు గ్లోబర్ స్టార్ ప్రియాంక తన సోషల్ మీడియా అకౌంట్స్ ద్వారా వెల్లడించింది.
2005లో వచ్చిన ‘ద అడ్వెంచర్స్ ఆఫ్ షార్క్‌బాయ్ అండ్ లావాగర్ల్’ చిత్రానికి సీక్వెల్‌గా ‘వి కెన్ బీ హీరోస్’ తెరకెక్కించిన విషయం తెలిసిందే. అయితే ఈ చిత్రంలో చిన్నపిల్లలే సూపర్ హీరోస్‌గా కనిపించబోతున్నారు. అందుకే ఆ విషయాన్ని టైటిల్‌‌లోనే స్పష్టం చేశారు మేకర్స్. షార్క్ బాయ్, లావా గర్ల్స్‌ల కూతురు గప్పీ.. తన ఫ్రెండ్స్‌తో కలిసి ఏలియన్స్‌తో ఎలా పోరాటం చేసింది? కిడ్నాప్‌కు గురైన సూపర్ హీరోస్‌ను ఎలా విడిపించారన్నదే ఈ సినిమా కథ. ట్రైలర్‌లోనూ ఇదే విషయాన్ని చూపించారు. ‘సూపర్ హీరోస్‌ను ఏలియన్స్ కిడ్నాప్ చేయగా, చిన్నపిల్లలు మీరేం చేస్తారని ప్రియాంక్ చోప్రా గప్పీని, ఆమె ఫ్రెండ్స్‌ను అడుగుతుంది. ‘న్యూ జనరేషన్ ఆఫ్ హీరోస్’గా తెరమీదకు వచ్చిన గప్పీ తన సూపర్ నేచురల్ పవర్స్‌ను ఉపయోగించి, తన స్నేహితుల సాయంతో ఏలియన్స్‌పై యుద్దం చేయడాన్ని ట్రైలర్‌లో చూపించారు. సినిమాను న్యూ ఇయర్ కానుకగా, జనవరి 1న నెట్‌ఫ్లిక్స్‌లో విడుదల చేస్తున్నట్లు చిత్ర బృందం ప్రకటించింది.
‘ఈ మూవీ షూటింగ్‌ నాకు బెస్ట్ టైమ్. ప్రత్యేకంగా రాబర్ట్ రోడ్రిగెజ్, అమేజింగ్ సూపర్ కిడ్స్‌తో చేయడం మరిచిపోలేని అనుభూతి. వారికి శత్రువుగా చేయడం నాకు నచ్చింది. మీరు ఏమనుకుంటున్నారు? నేను గెలుస్తానా? లేకా వారా?’ అని ప్రియాంక్ తన సోషల్ మీడియా పోస్ట్‌లో పేర్కొంది.
#WeCanBeHeroes@Rodriguez @netflix @PedroPascal1 @ChristianSlater #YaYaGosselin
— PRIYANKA (@priyankachopra) November 19, 2020
