స్నేహితుడికి అండగా సేతుపతి

దిశ, వెబ్‌డెస్క్: విజయ్ సేతుపతి విభిన్న పాత్రలతో మెప్పిస్తున్న నటుడు. క్షణం తీరిక లేకుండా షూటింగ్స్‌తో బిజీబిజీగా గడిపేస్తున్నాడు. కోలీవుడ్, టాలీవుడ్‌ సినిమాలతో టైట్ షెడ్యూల్‌లో ఉన్న సేతుపతి… స్నేహితుడికి కష్టమొస్తే వెంటనే అక్కడ వాలిపోయాడు. తన సహనటుడు కష్టాల్లో ఉన్నాడని తెలిసి సినిమాలను పక్కన పెట్టి మరి… పరామర్శించేందుకు వెళ్లాడు. అంతేకాదు హాస్పిటల్ చికిత్స పొందుతున్న తనకు భరోసా ఇస్తూ ఆర్థికంగా ఆదుకుంటానని హామీ ఇచ్చాడు. నటుడు లోకేశ్ ‘నేను రౌడీనే’ సినిమాలో చిన్న పాత్ర చేశాడు. అప్పుడు సేతుపతికి పరిచయమైన లోకేశ్‌ గుండెపోటుతో ఆస్పత్రిలో చేరి చికిత్స పొందుతున్నాడు. ఈ క్రమంలోనే పక్షవాతం కూడా వచ్చింది. కానీ ఆర్థికంగా అంతగా సపోర్ట్ లేదని తెలుసుకున్న విజయ్ ఆస్పత్రికి వెళ్లి లోకేశ్‌ను పరామర్శించాడు. ఆస్పత్రి ఖర్చులు భరిస్తానని… కుటుంబానికి అండగా ఉంటానని హామీ ఇచ్చాడు.

tags : Vijay Sethupathi, Kollywood, Tollywood, Lokesh, Vijay Friend