ప్రామిస్ నిలబెట్టుకున్న విజయ్.. లైగర్‌లో షణ్ముఖ సాంగ్
దిశ, సినిమా : పూరి, విజయ్ దేవరకొండ కాంబినేషన్‌లో ‘లైగర్’ సినిమా ప్రకటించినప్పటి నుంచి టాక్ ఆఫ్ ది టౌన్‌గా మారింది. విజయ్‌ను ఇంతకుముందెన్నడూ చూడని కొత్త అవతార్‌లో చూసేందుకు ఫ్యాన్స్ ఎగ్జైటింగ్‌గా ఉన్నారు. ఈ సంగతి పక్కనబెడితే ‘ఇండియన్ ఐడల్ 12’ సింగర్ షణ్ముఖ ప్రియకు ‘లైగర్’లో పాట పాడే అవకాశం ఇస్తానన్న విజయ్.. మాట నిలబెట్టుకున్నాడు. సింగర్ షణ్ముఖ ప్రియ రీసెంట్‌గా తల్లితో కలిసి విజయ్‌ను ఆయన ఇంట్లో కలిసిన వీడియోను లైగర్ టీమ్ రిలీజ్ చేసింది. కాగా షణ్ముఖతో చాలాసేపు ముచ్చటించిన విజయ్.. తనతో పాటు పూరి సర్, చార్మి కలిసి ‘ఇండియన్ ఐడల్’లో తను పాడిన వీడియోలు అన్నీ చూశామని తెలిపాడు. ఆ తర్వాత తన వాయిస్‌కు ఏ సాంగ్ సూట్ అవుతుందో డిసైడ్ చేశామన్నాడు. ప్రస్తుతం సినిమాలో షణ్ముఖ పాడిన సాంగ్ వినేందుకు వెయిట్ చేస్తున్నాని వెల్లడించాడు.
పూరి కనెక్ట్స్, ధర్మ ప్రొడక్షన్స్ బ్యానర్‌పై కరణ్ జోహార్, చార్మి కౌర్, పూరి జగన్నాధ్ తదితరులు సంయుక్తంగా నిర్మిస్తున్న ‘లైగర్’ చిత్రం హిందీ, తెలుగు, తమిళ్, కన్నడతో పాటు మలయాళ భాషల్లో రిలీజ్ కానుంది.
- Tags
- Liger
