కూరగాయల వ్యాన్ బీభత్సం.. ఇద్దరికి గాయాలు

దిశ, వెబ్ డెస్క్ : మార్కెట్లో కూరగాయల వ్యాన్ బీభత్సం సృష్టించింది. ఈ ఘటన నిజామాబాద్ జిల్లాలోని భీంగల్‌లో జరిగింది. కూరగాయలు దింపిన తర్వాత డ్రైవింగ్ రాని ఓ బాలుడు వాహనాన్ని నడపడంతో ప్రమాదం చోటుచేసుకుంది.

ఈరోజు సాయంత్రం వేగంగా దూసుకువచ్చిన వ్యాన్ ఇద్దరిని ఢీకొట్టి ఓ దుకాణంలోకి దూసుకెళ్లింది. ఈ ప్రమాదంలో ఓ బాలిక, మరో యువకుడు గాయపడ్డారు. క్షతగాత్రులను చికిత్స కోసం ఆస్పత్రికి తరలించారు. ఈ ప్రమాదం నుండి అదృష్టవశాత్తు కొందరు మహిళలు ప్రాణాలతో బయటపడ్డారు.