త్వరలోనే పూర్తి ఆరోగ్యంతో తిరిగొస్తా : ట్రంప్

దిశ, వెబ్‌డెస్క్: కరోనా మహమ్మారి బారిన పడిన అమెరికా అధ్యక్షుడు ట్రంప్ కోలుకుంటున్నట్లు తెలుస్తోంది. నిన్న ఆయన పరిస్థితి ఆందోళనకరంగా ఉందని పలు కథనాలు వెలువడిన విషయం తెలిసిందే. అయితే, అలాంటిది ఏమీ లేదని అధ్యక్షుడు ఆరోగ్యంగా ఉన్నట్లు వైద్యులు ధృవీకరించారు.

ఈ నేపథ్యంలోనే ఆస్పత్రి నుంచి బయటకు వచ్చిన ట్రంప్ అభిమానులు, మద్దతుదారులకు అభివాదం చేశారు. త్వరలోనే తాను పూర్తిగా కరోనా నుంచి కోలుకుని తిరిగి వస్తానని చెప్పినట్లు సమాచారం. ఇదిలాఉండగా, ఇవాళ ఆయన్ను డిశ్చార్జి చేయనున్నట్లు తెలుస్తోంది.