ఏపీ సీఎం వైఎస్ జగన్‌కు యూఎస్ కాన్సులేట్ ప్రశంసలు

దిశ, ఏపీ బ్యూరో: ఏపీ ప్రభుత్వంపై యూఎస్ కాన్సులేట్ ప్రశంసల జల్లు కురిపించింది. రాష్ట్రంలో ఓకే రోజుల్లో రికార్డు స్థాయిలో వ్యాక్సినేషన్ కార్యక్రమం నిర్వహించడంపై యూఎస్ కాన్సులేట్ అభినందించింది. ఈ సందర్భంగా సీఎం వైఎస్ జగన్‌ని, వ్యాక్సినేషన్ కార్యక్రమంలో పనిచేసిన వైద్య సిబ్బందిని అభినందించింది. ఒకేరోజు 1.3 మిలియన్ ప్రజలకు వ్యాక్సిన్లు ఇవ్వడం సామాన్యమైన విషయం కాదని.. ప్రభుత్వం చేసిన కృషి ప్రజల ప్రాణాలను కాపాడుతుందని ప్రశంసించింది. ట్విట్టర్ వేదికగా యూఎస్ కాన్సుల్ జనరల్ జోయల్ రైఫ్ మన్ ట్వీట్ చేశారు. సీఎం వైఎస్ జగన్ చేస్తున్న కృషిని ప్రశంసించడంతో పాటు, ఏపీ వ్యాక్సినేషన్ డ్రైవ్‌కు యూఎస్ కాన్సులేట్ కితాబిచ్చారు.