రోడ్డు ప్రమాదంలో ఇద్దరు మృతి 

దిశ ప్రతినిధి, మహబూబ్ నగర్ : మహబూబ్ నగర్ జిల్లా మూసాపేట మండలంలో 44వ జాతీయ రహదారిపై ఆగి ఉన్న లారీని మారుతి వ్యాన్ ఢీకొట్టింది. ఈ ప్రమాదంలో ఇద్దరు వ్యక్తులు అక్కడికక్కడే మృతి చెందారు. ఘటన వివరాల్లోకి వెళితే…. మూసాపేట మండల శివారులోని వేముల స్టేజి దగ్గర రోడ్డుపై ఓ ట్రక్కు ఆగి ఉంది. ఆ ట్రక్కును హైదరాబాద్ నుంచి బెంగుళూరుకు వెళుతున్న మారుతి వ్యాన్ ఢీకొట్టింది. ఈ ప్రమాదంలో వ్యాన్‌లో ప్రయాణిస్తున్న హైదరాబాద్‌కు చెందిన ఖాదర్ అలీ ఖాన్‌తో పాటు మరో వ్యక్తి మృతి చెందారు. మరో వ్యక్తి ఎవరనే విషయం ఇంకా గుర్తించాల్సి ఉంది.