పుల్వామాలో విషయం తెలిసి వెతుకుతుండగా..

దిశ, వెబ్ డెస్క్: భద్రతా దళాలు జరిపిన కాల్పుల్లో ఇద్దరు ఉగ్రవాదులు హతమయ్యారు. వివరాల్లోకి వెళితే.. ఉగ్రవాదులు ఉన్నారన్న సమాచారం మేరకు భద్రతా దళాలు మంగళవారం తెల్లవారు జామున జమ్మూకాశ్మీర్ లోని పుల్వామాలో తనిఖీలు నిర్వహిస్తున్నాయి. ఈ సమయంలో ఉగ్రవాదులు కాల్పులకు తెగబడ్డారు. ఆ కాల్పులను భద్రతా దళాలు తిప్పికొట్టాయి. ఈ కాల్పుల్లో ఇద్దరు ఉగ్రవాదులు హతమయ్యారు. వారి వద్ద నుంచి రెండు ఆయుధాలను స్వాధీనం చేసుకున్నారు.