ఇద్దరితో ఒకేసారి రొమాన్స్ చేస్తున్న అక్కినేని హీరో?
దిశ, సినిమా : కెరీర్ మొదటి నుంచి ఒక్క హిట్ కోసం పరితపించిన అఖిల్ అక్కినేని.. ఎట్టకేలకు ‘మోస్ట్ ఎలిజిబుల్ బ్యాచిలర్’తో సక్సెస్ సాధించాడు. బొమ్మరిల్లు భాస్కర్ డైరెక్ట్ చేసిన ఫిల్మ్ బాక్సాఫీస్ వద్ద హిట్ టాక్ తెచ్చుకోవడంతో ఊపిరిపీల్చుకున్న అఖిల్.. ఇప్పుడు తన నెక్ట్స్ ప్రాజెక్ట్స్‌పై ఫోకస్ చేస్తున్నాడు. ఈ క్రమంలో షూటింగ్ దశలో ఉన్న అఖిల్ అప్‌కమింగ్ మూవీ ‘ఏజెంట్’కు సంబంధించిన అప్‌డేట్ ఫ్యాన్స్‌లో జోష్ నింపుతోంది. సురేందర్ రెడ్డి డైరెక్షన్‌లో వస్తున్న సినిమాలో ఫిమేల్ లీడ్‌గా సాక్షి వైద్య నటిస్తుండగా.. యంగ్ తమిళ్ యాక్ట్రెస్ అతుల్య రవి మరో ఫిమేల్ లీడ్ క్యారెక్టర్‌కు ఎంపికైనట్లు తెలుస్తోంది.
సాక్షికి ఇదే మొదటి చిత్రం కాగా, అతుల్య ఇప్పటికే పలు తమిళ్ సినిమాల్లో హీరోయిన్‌గా నటించింది. కాగా వీరిద్దరిలో ఎవరు ఫస్ట్ లీడ్, ఎవరు సెకండ్ లీడ్ అనే విషయం అధికారిక ప్రకటన వచ్చే వరకు తెలియదు. ఇక ఏకే ఎంటర్‌టైన్‌మెంట్స్‌, సురేందర్ రెడ్డి 2 సినిమా సంయుక్తంగా నిర్మిస్తున్న చిత్రానికి వక్కంతం వంశీ కథ అందించగా.. థమన్ మ్యూజిక్ అందిస్తున్నాడు.
