టీఆర్ఎస్‌కు భారీ షాకిచ్చిన కాంతమ్మ.. రేవంత్ రెడ్డితో కలిసి..!
దిశ, జడ్చర్ల: మిడ్జిల్ ఎంపీపీ కాంతమ్మ బాలస్వామి (టీఆర్ఎస్) గురువారం టీపీసీసీ అధ్యక్షుడు రేవంత్ రెడ్డి సమక్షంలో కాంగ్రెస్ పార్టీలో చేరనున్నారు. ఈ విషయాన్ని మిడ్జిల్ కాంగ్రెస్ పార్టీ అధ్యక్షుడు అల్వాల్ రెడ్డి తెలిపారు. ఈ మేరకు బుధవారం హైదరాబాద్‌లో టీపీసీసీ అధ్యక్షుడు రేవంత్ రెడ్డితో సమావేశమయ్యారు. కాంగ్రెస్ పార్టీలో కాంతమ్మ చేరికపై స్పష్టత ఇచ్చారని తెలిపారు. కాగా, ఎంపీపీ కాంతమ్మ గతేడాది కాంగ్రెస్ పార్టీ నుండే ఎమ్మెల్యే లక్ష్మారెడ్డి సమక్షంలో టీఆర్ఎస్ పార్టీలో చేరారు. టీపీసీసీ అధ్యక్షుడిగా రేవంత్ రెడ్డి పదవి బాధ్యతలు చేపట్టాక.. ఈ నెల 12న మహబూబ్‌నగర్‌లో తొలిసారి జంగ్ సైరన్ పేరిట అడుగు పెట్టబోతున్నారని.. ఈ నేపథ్యంలోనే మిడ్జిల్ మండలం ఎంపీపీని సొంత పార్టీలో చేర్పించి రేవంత్‌కు కానుకగా ఇస్తున్నామని అల్వాల్ రెడ్డి స్పష్టం చేశారు.
Advertisement
Next Story
