టీఆర్ఎస్ బ్యాచ్.. దండుపాళ్యం బ్యాచ్ లాంటిదే..

దిశ, వెబ్ డెస్క్ : నాగార్జున సాగర్ ఉప ఎన్నికకు పోలింగ్ దగ్గరపడుతున్న కొద్దీ నేతల మాటలు కోటలు దాటుతున్నాయి. ఈరోజు బీజేపీ రాష్ట్ర అధ్యక్షుడు, ఎంపీ బండి సంజయ్ మాట్లాడుతూ.. కోతల రాయుడు సీఎం కేసీఆర్ సాగర్‌కు వస్తున్నారని అన్నారు. ఎస్ఎల్‌బీసీ కుర్చీ వేసుకుని మరీ పూర్తి చేస్తా అని చెప్పిన కేసీఆర్.. ఇప్పటి వరకు దాన్ని పూర్తి చేయలేదని విమర్శించారు. డబ్బు, మద్యం, మాయమాటలతో మోసం చేసేందుకే టీఆర్ఎస్ దొంగలు సాగర్‌కు వచ్చారని తెలిపారు. టీఆర్ఎస్ బ్యాచ్.. దండుపాళ్యం బ్యాచ్ ఒక్కటే అని ఎద్దేవ చేశారు.