రోడ్డు ప్రమాదంలో భార్యభర్తలకు తీవ్ర గాయాలు..

దిశ, జమ్మికుంట : జమ్మికుంట పట్టణంలోని రైల్వే ఫ్లై ఓవర్ బ్రిడ్జి పైన జరిగిన రోడ్డు ప్రమాదంలో భార్యాభర్తలకు తీవ్ర గాయాలు అయ్యాయి. పట్టణంలోని మోత్కులగూడెం గ్రామానికి చెందిన మొలుగూరి రాజేష్ - స్రవంతి అనే భార్యాభర్తలు ఇద్దరూ ద్విచక్ర వాహనం పై జమ్మికుంటకు వెళ్తుండగా, ట్రాలీ ఆటో ఢీ కొనడంతో భార్యాభర్తలు ఇద్దరి కాళ్లు విరిగాయి. సంఘటనా స్థలం వద్ద ఉన్న కొందరు వ్యక్తులు 108కు సమాచారం అందించడంతో తీవ్ర గాయాలపాలైన వారిని పట్టణంలోని శ్రీరామ ఆసుపత్రికి తరలించగా చికిత్స పొందుతున్నారు. విషయం తెలుసుకున్న పోలీసులు వెంటనే ఘటనా స్థలానికి చేరుకొని ట్రాలీ ఆటోను పోలీస్ స్టేషన్ కు తీసుకువెళ్లారు.