వెంకీతో త్రివిక్రమ్ మూవీ ప్లాన్

దర్శకుడు త్రివిక్రమ్ శ్రీనివాస్ మరోసారి విక్టరీ వెంకటేష్ తో మూవీ చేయబోతున్నారు. మల్లీశ్వరి సినిమా తర్వాత వీరి కాంబినేషన్ లో మరో చిత్రం రాబోతోంది. ఇప్పటికే కథ కూడా సిద్ధం కాగా… త్వరలో సెట్స్ పైకి వెళ్లనుందట సినిమా. అయితే ఈ మధ్య గురూజీ తారక్ తో సినిమా అనౌన్స్ చేసినా… ఈ సినిమా ఇప్పట్లో పట్టాలెక్కే చాన్స్ లేదని తెలుస్తోంది. కారణం RRR సినిమా అని సమాచారం.

లాక్ డౌన్ కారణంగా RRR సినిమా షూటింగ్ వాయిదా పడింది. దీంతో మరి కొన్ని నెలలు తారక్ రాజమౌళి దగ్గరే లాక్ అయి పోయే పరిస్థితి ఏర్పడింది. దీంతో ఆలోపు వెంకీతో మూవీ తెరకెక్కిస్తే … తర్వాత తారక్ తో మూవీ చేయొచ్చనే ప్లాన్ లో ఉన్నారట త్రివిక్రమ్. కాగా ఈ దిశగా ప్రయత్నాలు జరుగుతున్నాయని ఫిల్మ్ నగర్ టాక్. తాజాగా బన్నీ, త్రివిక్రమ్ కాంబినేషన్ లో వచ్చిన అల వైకుంఠపురంలో సినిమా బ్లాక్ బస్టర్ హిట్ అయింది.

Tags : Trivikram Srinivas, Venkatesh, Malliswari, Tollywood