బన్నీ సీక్రెట్ బయటపెట్టిన త్రిష

దిశ, వెబ్‌డెస్క్: త్రిష… కరోనా వైరస్ వ్యాపిస్తున్న నేపథ్యంలో ఎలాంటి జాగ్రత్తలు తీసుకోవాలో సోషల్ మీడియా వేదికగా అవగాహన కల్పిస్తోంది. యూనిసెఫ్ బ్రాండ్ అంబాసిడర్‌గానూ ఉన్న త్రిష … కరోనా విషయంలో ఎలాంటి నిర్లక్ష్యం వహించరాదని… తప్పకుండా ప్రభుత్వాలు, ప్రపంచ ఆరోగ్య సంస్థ అందిస్తున్న సూచనలు పాటించాలని కోరింది. లాక్ డౌన్ సమయాన్ని ఇంట్లోనే ఉంటూ చక్కగా వినియోగించుకుంటున్న భామ… తన బెస్ట్ ఫ్రెండ్స్ రానా, అల్లు అర్జున్‌తో వీడియో కాల్ మాట్లాడినట్లు తెలిపింది. సినిమాలతో బిజీగా ఉండి స్నేహితులతో మాట్లాడలేక పోతున్నానని… ఈ సమయాన్ని ఫ్యామిలీ, ఫ్రెండ్స్‌తో గడిపేందుకు యూజ్ చేసుకోవాలని సూచించింది. బన్నీ, రానాలతో మాట్లాడాక చాలా ప్రశాంతంగా, ఆనందంగా ఉందని తెలుపుతూ వీడియోకాల్ పిక్ షేర్ చేసింది.

అయితే ఈ ఫోటో ద్వారా బన్నీకి ప్రైవేట్ ఇన్‌స్టాగ్రామ్ ఎకౌంట్ ఉన్నట్లు బయటపడింది. అల్లు అర్జున్ పేరుతో ఉన్న అఫిషియల్ వెరిఫైడ్ ఎకౌంట్ ద్వారా ఫ్యాన్స్‌కు టచ్‌లో ఉండే బన్నీ… @bunny_boy_private అనే మరో ఎకౌంట్‌ కూడా మెయింటెన్ చేస్తున్నారని తెలిసిపోయింది. ఈ ఎకౌంట్‌కు 250 మంది ఫాలోవర్స్ ఉండగా… 744 పోస్టులు చేశారు అల్లు అర్జున్. ఇక అఫిషియల్ అకౌంట్ @alluarjunonline ను 60 లక్షల మంది ఫాలో అవుతున్నారు.

Tags: Allu Arjun, Trisha, Rana Daggubati, Video Cal, Instagram