ఇరాన్ మ‌త ఈవెంట్‌లో 'జానీ డెప్'.. నువ్వేంటిక్క‌డ అంటున్న ఫ్యాన్స్ (వీడియో)
దిశ, వెబ్‌డెస్క్ః హాలీవుడ్ స్టార్ నటుడు జానీ డెప్ ప‌రిచ‌యం ప్ర‌త్యేకంగా అవ‌స‌రం లేదు. త‌న మాజీ భార్య అంబ‌ర్ హార్డ్‌తో విభేదాల త‌ర్వాత అంత‌ర్జాతీయంగా మ‌రింత పాపుల‌ర్ అయ్యాడు. అయితే, ఇరాన్‌లోని తబ్రిజ్‌లో ఒక మతపరమైన వేడుకలో జానీ డెప్ పోలిక‌ల‌తో ఉన్న ఓ వ్యక్తి నెటిజ‌నుల‌కు క‌నిపించాడు. కాగా, జానీ ఈ కార్య‌క్ర‌మానికి ఎందుకు హాజ‌ర‌య్యాడు అనే సందేహం చాలా మంది అభిమానుల్లో క‌లిగింది. కాగా, ఆ వీడియోలో ఉంది జానీ కాద‌నీ, ఇరాన్‌కు చెందిన ఓ వ్యక్తికి అచ్చం జానీ పోలికలు ఉన్నాయ‌ని తెలిసింది. వెంట‌నే ఈ జానీ డూప్‌ సోషల్ మీడియాలో సంచలనంగా మారాడు. ఆన్‌లైన్‌లో వైరల్‌గా మారిన అత‌ని చిత్రాలు, వీడియోలు ఇప్పుడు హ‌ల్‌చ‌ల్ చేస్తున్నాయి.
స్థానిక మీడియా ప్రకారం, ఆ వ్యక్తి పేరు అమిన్ సాలెస్మ. అతను ఒక మోడల్. జానీ డెప్ సిగ్నేచ‌ర్ హెయిర్‌స్టైల్, మేకప్‌తో పాటు దానికి సరిపోయే క‌ళ్ల‌ద్దాలు ధరించడంతో నెటిజ‌నుల‌ను ఆశ్చ‌ర్యానికి గురిచేశాడు. అయితే, ఇరాన్‌కు చెందిన ఒక జానీ డెప్ అభిమాని ట్విట్టర్‌లో, "జానీ ఇక్కడ ఏమి చేస్తున్నావు?" అని రాయ‌డంతో అది కాస్తా వైరల్ అయ్యింది. ఇక, నెటిజ‌నులు Sa'les (యూజర్‌నేమ్ @dr.aminsales)కి చెందిన ఇన్‌స్టాగ్రామ్ ఖాతాను కూడా కనుక్కున్నారు. ఇప్పుడా పేజీ అత‌ని ఫిజిక‌ల్ అప్పియ‌రెన్స్‌ గురించి కామెంట్ల‌తో నిండిపోయింది. ఈ మ‌రో 'జానీ డెప్'ని మీరూ చూడండి!
#جان ناذر يخدم الحسين عليه السلام من يفوز على امبر🫠🫠 pic.twitter.com/omv2DPAxzC
— Farrah Al-Obaidi🇮🇶 ♈️ (@Nusha_8f) August 8, 2022
