Viral News: కుక్కకి సీమంతం.. హాజరైన బంధుగణం
దిశ డైనమిక్ బ్యూరో: జంతు ప్రేమికులు సాధారణంగా తాము పెంచుకునే జంతువుల పట్ల ప్రేమని కలిగి ఉంటారు. ఆ జంతువులకు అవసరమైన ఆహారాన్ని అందిస్తారు. అనారోగ్యం ధరి చేరకుండా జాగ్రత్తలు తీసుకుంటారు. ఇక చెప్పాలంటే వాటితో ఆడుకుంటారు. మరి ప్రేమ ఎక్కువైన వాళ్ళు ఆ జంతువులకు పుట్టినరోజులు కూడా నిర్వహిస్తారు. ఇలా జంతువులను ప్రేమాగా చూసుకుంటూ, వాటికి పుట్టిన రోజు వేడుకలు నిరవహించి ఆ ఫోటలను సోషల్ మీడియాలో పోస్ట్ చేసిన ఘటనలు కోకొల్లలు.
అయితే తాజాగా ఓ కుటుంబం వాళ్ళు పెంచుకుంటున్న కుక్కకి సీమంతం చేశారు. ఈ వింత ఘటన కర్ణాటక రాష్ట్రంలో చోటు చేసుకుంది. వివరాల్లోకి వెళ్తే కర్ణాటకలో ఓ కుటుంబం వాళ్ళు పెంచుకుంటున్న పెంపుడు కుక్కకి అంగరంగ వైభవంగా సీమంతం వేడుకలు నిర్వహించారు. ఈ వేడుకలకు బంధువులను కూడా ఆహ్వానించారు. ఇక ఆహ్వానం అందుకున్న 50 మంది బంధువులు కుక్క సీమంతానికి విచ్చేసారు.
కాగా ఈ సీమంతానికి సంబంధించిన ఫోటలను, వీడియో లను ఆ కుటుంబ సభ్యులు సోషల్ మీడియాలో పోస్ట్ చేశారు. దీనితో ప్రస్తుతం ఆ వీడియోలు, ఫోటోలు నెట్టింట్లో చక్కెర్లు కొడుతున్నాయి. ఆ కుక్క సీమంతం వీడియోని మీరు ఓ సారి చూసేయండి.
కుక్కకు ఘనంగా సీమంతం!కర్ణాటక - కురకనహళ్లికి చెందిన ఓ కుటుంబం తమ పెంపుడు కుక్కకి సీమంతం వేడుకను ఘనంగా నిర్వహించింది. ఈ వేడుకకు 50 మందికి పైగా హాజరయ్యారు. pic.twitter.com/KDA4paza3a— Telugu Scribe (@TeluguScribe) February 7, 2024
