ఇవాళ దేవేందర్‌గౌడ్‌ ఇంటికి వెళ్లనున్న రేవంత్ రెడ్డి

దిశ, వెబ్‌డెస్క్: టీపీసీసీ చీఫ్ రేవంత్ రెడ్డి స్పీడ్ పెంచారు. పార్టీ అభివృద్ధికి అందివచ్చిన ప్రతి అవకాశాన్ని సద్వినియోగం చేసుకునేందుకు కృషి చేస్తున్నారు. అందులో భాగంగా ఆదివారం సాయంత్రం తెలంగాణ టీడీపీ కీలక నేత దేవేందర్ గౌడ్ ఇంటికి వెళ్లి ఆయన్ను కాంగ్రెస్ పార్టీలోకి ఆహ్వానించనున్నట్లు తెలుస్తోంది. కాగా, తెలంగాణలో కాంగ్రెస్ చీఫ్‌గా రేవంత్ రెడ్డిని నియమించిన దగ్గర నుంచి పార్టీ నేతల్లో నూతన ఉత్సాహం కనిపిస్తోంది. ఇతర పార్టీలోని అసంతృప్తి నేతలను, కాంగ్రెస్ పార్టీని వీడిన కీలక నేతలను కలిసి మళ్లీ పార్టీలోకి ఆహ్వానిస్తున్న విషయం తెలిసిందే. ఇందులో భాగంగానే ఇప్పటికే రాష్ట్రవ్యాప్తంగా పార్టీ నేతల వద్దకు స్వయంగా రేవంత్ రెడ్డే వెళ్లి కలుస్తున్నారు. సమావేశం అనంతరం దేవేందర్ గౌడ్‌ ఏ నిర్ణయం తీసుకుంటారో వేచి చూడాలి.