లారీ నడిపిన క్లీనర్.. ముగ్గురు మృతి

దిశ, వెబ్‌డెస్క్ : కృష్ణా జిల్లాలో ఘోర రోడ్డు ప్రమాదం చోటు చేసుకుంది. అదుపు తప్పి లారీ బోల్తా పడడంతో ఒకే కుటుంబానికి చెందిన ముగ్గురు మృతి చెందారు. ఈ ఘటన జిల్లాలోని గన్నవరం మండలం చెన్నై కలకత్తా హైవేపై కేసరపల్లి వద్ద ఘటన చోటు చేసుకుంది. మృతులు రాజ్యలక్ష్మి(29), శ్రీనివాస్‌(27), రోహిత్‌(2)లు కాగా వీరు తూర్పుగోదావరి జిల్లా ఏలేశ్వరానికి చెందిన వారిగా పోలీసులు గుర్తించారు. అయితే క్లీనర్ లారీ నడపడం వల్లే ఈ ప్రమాదం జరిగినట్టు పోలీసులు భావిస్తున్నారు. స్థానికుల సమాచారం మేరకు ఘటనాస్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.