శ్రీ మత్స్యగిరీంద్ర స్వామి ఆలయ పురోహితుడు కరోనాతో మృతి

దిశ,మానకొండూరు: తెలంగాణలోని ప్రసిద్ధిగాంచిన కొత్తగట్టు శ్రీ మత్స్యగిరీంద్ర స్వామి దేవాలయం పురోహితులు శేషం రవీంద్ర చార్యులు కరోనాతో ఆదివారం మృతి చెందారు. వివరాల్లోకి వెళితే.. వెన్నంపల్లి గ్రామానికి చెందిన వ్యక్తి గత వారం రోజుల క్రితం కరోనా పాజిటివ్ గా నిర్ధారణ అయ్యింది. దీంతో అతను ఇంట్లోనే చికిత్స తీసుకుంటుండగా ఊపిరి తీసుకోవడం ఇబ్బంది కావడంతో కరీంనగర్ లోని చల్మెడ ఆనంద్ రావు ఆస్పత్రికి తరలించారు. రెండు రోజుల క్రితం నుంచి ఆయన చికిత్స పొందుతూ ఈరోజు తుదిశ్వాస విడిచారు. ఇప్పటికీ వారి కుటుంబంలోని వారు కరోనాతో పోరాడుతున్నారు. వారి కుటుంబ సభ్యులకు మనోధైర్యాన్ని కల్పించడానికి మేధావులు, ప్రముఖులు వారికి చేదోడువాదోడుగా ఉండాలని స్థానికులు కోరుతున్నారు.