అనుమానాస్పదస్థితిలో మహిళ మృతి

దిశ, సూర్యాపేట: సూర్యాపేట మున్సిపాలిటీ పరిధిలోని కుసుమవారి గూడెంలో మహిళ అనుమానస్పద స్థితిలో మృతిచెందింది. స్థానికుల వివరాల ప్రకారం.. కుసుమవారి గూడానికి చెందిన కుసుమ లలితమ్మ(60) అనే మహిళను గుర్తుతెలియని దుండగులు గొంతుకోసి హత్య చేశారు. లలితమ్మ ఒంటరి మహిళ కావడంతో నగల కోసమే దుండగులు హత్య చేసి ఉంటారని స్థానికులు అనుమానిస్తున్నారు. గతేడాది ఇదే తరహాలో ఇందిరమ్మ కాలనీలో నివాసం ఉండే మహిళను హత్య చేసిన విషయం తెలిసిందే. కేసు నమోదు చేసుకున్న పోలీసులు దర్యాప్తు ప్రారంభించారు.