సమాజంలో పోలీసుల పాత్ర కీలకం : సీఐ నవీన్ కుమార్

దిశ రంగారెడ్డి, షాద్ నగర్ : ప్రస్తుత సమాజంలో శాంతిభద్రతల పర్యవేక్షణలో పోలీసుల పాత్ర ఎంతో కీలకమని షాద్ నగర్ సిఐ నవీన్ కుమార్ అన్నారు.పోలీసు అమరవీరుల సంస్మరణ దినోత్సవాన్ని పురస్కరించుకొని షాద్ నగర్ పట్టణంలోని ఎస్వీపి డిగ్రీ కళాశాల విద్యార్థులకు “జాతి నిర్మాణంలో పోలీసుల పాత్ర” అనే అంశంపై నిర్వహించిన వ్యాసరచన పోటీలలో విజేతలుగా నిలిచిన విద్యార్థులకు షాద్ నగర్ సిఐ నవీన్ కుమార్ శనివారం బహుమతులు అందజేశారు.ఈ సందర్భంగా ఆయన మాట్లాడుతూ శాంతి భద్రతల పరిరక్షణలో.. సంఘవిద్రోహా శక్తులను అణిచివేయడంలో పోలీసులు చేస్తున్న కృషిని గొప్పదన్నారు. కార్యక్రమంలో కళాశాల అధ్యాపకబృందం నాగిళ్ళ వెంకట్, మహమ్మద్ పాషా, నరేష్, దివ్య, ప్రవళిక, గౌతమి, విద్యార్థిని విద్యార్థులు పాల్గొన్నారు.